Mazoezi ya shindano la Miss Tabata yanatarajiwa kuendelea
tena jumamosi ya kesho baada ya mapumziko ya sikukuu ya Pasaka.
Mratibu wa shindano hilo
Joseph Kapinga Kalinga amesema kuwa warembo hao wanatarajia kuanza mazoezi
kwenye ukumbi wa Da’ West
Park
Miss Tabata mwaka 2012 mwaka huu inatarajiwa kufanyika
mwishoni mwa mwezi Mei, ambapo watakaofanya vizuri watapata nafasi ya kushiriki
Miss Ilala na kama huko wataendelea kufanya vizuri wanashiriki Miss Tanzania msimu
huu.
Kapinga amesema kuwa bado wanatoa nafasi kwa warembo wenye
sifa kujitokeza kushiriki.
Amesema kuwa baada ya warembo hayo kuiva kimazoezi, watapata
fursa ya kutembelea mbuga za wanyama za Mikumi, pamoja na mikoa mbalimbali
nchini ili kujifunza mambo mengi na mazingira pia.
Warembo wanaojiandaa na Miss Tabata ambao watarajia kuanza
mazoezi leo ni Neema Saleh (18), Paulina Valentine (18), Khadija Nurdin (19), Phillios Lemi (20), Noela Michael (20),
Khadija Ramadhani (18), Axer Peter (20), Rahma Hassan (19) na Mercy Mlay (21).
Wengine ni Neema Innocent (19), Ellen Sule (22), Willihemina Mvungi (20), Queen Issa (20),
Suzanne Deodatus (19), Everline Andrew (21), Josephine Peter (20), Nadya Omary
(21), Hycalica Joseph (18) na Jamila Omary (19).
Mrembo anayeshikilia taji la Miss Tabata ni Faiza Ally.
Warembo wa Tabata wamekuwa wakifanya vizuri katika
mashindano ya Miss Tanzania
ambapo mwaka juzi Consolata Lukosi alishinda nafasi ya tatu kabla ya kutangazwa
kuwa balozi wa kinywaji cha Redds. Katika shindano la mwaka juzi Julliet
William pia alishinda nafasi ya tatu katika ngazi ya taifa.