KAMATI ya Uchaguzi ya
Shirikisho la soka Tanzania (TFF)
imefanya mabadiliko madogo katika ratiba za uchaguzi za wanachama wake ambapo
ratiba za uchaguzi za vyama wanachama wa TFF ambavyo vimekwishaanza mchakato na
ambavyo havijaanza mchakato huo.
Katibu mkuu wa TFF Angetile Osiah amesema kwamba,
wamelazimika kufanya mabadiliko hayo baada ya baadhi ya wanachama wao wa mikoa
kuomba iwe hivyo baada ya kubadili tarehe zao za kufanya uchaguzi.
Alisema baada ya kutokana na mabadiliko hayo, vyama wanachama wake havinabudi kuzingatia
kikamilifu ratiba iliyotolewa na Kamati
ya Uchaguzi ya TFF na Kanuni za uchaguzi za wanachama wa TFF katika kutimiza wajibu
wao wa kikatiba.
Osiah alizitaja tarehe hizo mpya ni pamoja na Oktoba 7 kwa
mkoa wa Arusha (ARFA), Dar es Salaam (DRFA) itakayofanya Oktoba 14, Geita
(GEREFA)- Novemba 10, Iringa (IRFA) - Septemba 8, Katavi - Novemba 10, Kigoma
(KRFA)-Septemba Mosi, Kilimanjaro (KRFA) –Septemba 8, Lindi (LIREFA)- Oktoba
20, Manyara (MARFA)-Septemba 15, Mbeya (MREFA)-Oktoba 21, Mwanza (MZFA)-Novemba
8 na (NJOREFA)-Septemba 15.
Mingine ni Pwani (COREFA)-Oktoba 14, Rukwa (RUREFA)-Oktoba
7, Ruvuma (FARU)-Novemba 3, Shinyanga (SHIREFA)-Oktoba 20, Simiyu (SIFA)-Oktoba
27, Tabora (TAREFA)-Oktoba 6, Tanga (TREFA)-Novemba 3,Chama cha Makocha
Tanzania (TAFCA)-Novemba 10, Chama cha Madaktari wa Michezo (TASMA)-Oktoba 27, Umoja wa Wanasoka (
SPUTANZA)-Oktoba 28, Waamuzi (FRAT)-Septemba 30 na Soka ya Wanawake (TWFA)-Novemba 4.
Alisema kamati ya Uchaguzi ya TFF haitabadilisha ratiba hiyo
kutokana na wilaya yoyote kutokamilisha uchaguzi wake, na hivyo kuzitaka Kamati
za Uchaguzi za Mikoa kuhakikisha chaguzi zinafanyika kwa mujibu wa ratiba hiyo..
“Kamati pia inazitaka
Kamati za Uchaguzi za Mikoa kusimamia kikamilifu na kwa umakini chaguzi za
wilaya zinazoendelea kwenye wilaya zilizo mikoani kwao. Ni muhimu kwa kamati
kuhakikisha Kanuni za Uchaguzi za Wanachama wa TFF zinafuatwa na kusimamiwa kwa
umakini”, alisema .
Osiah aliongeza kuwa Kamati
ya Uchaguzi ya TFF pia imebaini kuwa kuna Kamati za Uchaguzi za Mikoa ambazo
hazikusimamia kikamilifu chaguzi za viongozi wa wilaya, kitu ambacho kinaweza
kusababisha matatizo hapo baadaye hivyo kwa mara nyingine, Kamati ya Uchaguzi
ya TFF inazitaka Kamati za Uchaguzi za Mikoa kuhakikisha wanaoomba kugombea
uongozi kwenye wilaya, wana sifa zinazolingana na utashi wa Kanuni za Uchaguzi
za Wanachama wa TFF na Katiba.
“Wanachama ambao hawakuzingatia ratiba hiyo, hawatapewa
fursa nyingine ya kubadilisha tarehe za uchaguzi na hilo litakapotokea hatua za
kikanuni zitachukuliwa”, aliongeza Osiah