MSHINDI wa pili wa shindano la Bongo Star Search (BSS) kwa mwaka 2009, Peter Msechu ameongeza namba ya wasanii wa bongo fleva wanaoshiriki katika filamu baada ya kuwa mbioni kucheza filamu iitwayo NILLOSIS
Akizungumza jijini Dar es Salaam jana, Msechu alisema jana kwamba filamu hiyo imeandaliwa na kutayarishwa na mtunzi mahiri, Tuesday Kihangala ‘Mr Tues’ na washiriki watakaoicheza wanaendelea na mazoezi kabla ya kuanza.
Alisema mara baada ya kuiva katika kujinoa, filamu hiyo itaanza kurekodiwa hivi karibuni na anaamini pindi itakapokamilika itakuwa bomba kutokana na maandalizi yake mazuri na pamoja na maudhui.
“Nashikuru kupata nafasi ya kuonyesha kipaji kingine nilichonacho baada ya kile cha kuimba, ni yangu matumaini filamu itakuwa bomba kutokana na vipaji vya washiriki watakaoshiriki katika kuicheza.
Baadhi ya wasanii wa bongo fleva waliowahi kucheza filamu ni pamoja na Pasha, H.Baba, Mr.Blue, TID, Tundaman, Madee, Jay Mo na wengineo.
HAPA NIKIFANYA NAE MAHOJIANO SIKU CHACHE KABLA HAJAPANDA KATIKA FAINALI ZA BSS