Mjumbe wa Kamati ya Utendaji ya Yanga, Sarh Ramadhan aliyeamua kubwaga Manyanga
HALI ndani
ya uongozi wa Yanga chini ya Mwenyekiti wake Lloyd Nchunga, imekuwa tete baada
ya baadhi ya wajumbe wa Kamati ya Utendaji, kutaka kuachia ngazi kutokana na
mgawanyiko na mwingiliano wa majukumu, hivyo mambo kwenda ndivyo sivyo.
Habari
ambazo ziliifikia Sayari jana, zilidokeza kuwa, mwingiliano wa majukumu kati ya
kamati moja na nyingine, kumeleta mvurugano mkubwa huku nyingine zikionekana kama muhimu zaidi ya nyingine, hivyo kukosekana kwa umoja
katika kuiletea klabu hiyo maendeleo.
Taarifa za
awali, zilisema kuwa ndani ya kamati ya Utendaji kumekuwepo na msigano,
ikielezwa ndicho kisa baadhi ya mambo kutokwenda vizuri, likiwemo la
kuchezeshwa kimakosa kwa beki Nadir Haroub ‘Cannavaro’ katika mechi ya Coastal
Union.
Licha ya
kutakiwa kutumikia adhabu ya kukosa mechi tatu baada ya kulimwa kadi nyekundu
ya moja kwa moja kwa kosa la kumpiga mwamuzi Israel Nkongo katika mechi dhidi
ya Azam, alicheza mechi hiyo na Yanga kupokwa pointi tatu na mabao matatu,
wakapoteza nguvu ya kutetea ubingwa wa Ligi Kuu.
Kati ya
wajumbe wa Kamati ya Utendaji ambao wanataka kubwaga manyanga wakikerwa na
uendeshaji wa mambo katika klabu hiyo, ni Sarah Ramadhani kwa hoja ya
kutothaminiwa kwa mchango wao.
“Nani
amekwambia jambo hilo kama
sina lolote ninalofanya kwa klabu yangu,” alisema Sarah.
Mjumbe
huyo, alisema anataka kujiengua kutokana na kunyimwa nafasi ya kutimiza wajibu
wake kulingana na nafasi yake, hivyo ni heri ajiweke kando kwa heshima ya
wanachama waliompa kura katika uchaguzi wa Julai 18, 2010.
Alisema,
akiwa mdau wa kweli wa michezo, anasikitishwa namna mambo yalivyo katika klabu
hiyo chini ya Mwenyekiti wao Nchunga, mojawapo ni kutokuwepo kwa umoja na
mshikamano, hivyo kuvuja kwa mipango ya Kamati ya Utendaji.
“Kuna
mambo yananiumiza sana
Mbali ya
Sarah, mjumbe mwingine wa Kamati ya Utendaji (jina tunalo), ameidokeza Sayari
kuwa naye yu mbioni kuachia ngazi akichoshwa na kasumba ya viongozi kuingilia
masuala yasiyowahusu.
Akitoa
mfano hai wa hilo
“Ukweli ni
kwamba, viongozi walimlazimisha Papic kumpanga Cannavaro, naye akaona hana
jinsi, akampanga na matokeo yake, Yanga imepoteza ubingwa kwa makosa ya kizembe
kabisa,” alisema.
Alisema
kitendo cha uongozi wa juu kukata rufaa kwa makosa ya wazi yaliyofanywa kwa
Cannavaro, ni kama kuwahadaa wanachama kwa sababu kwa mazingira ya jambo hilo,
ni maamuzi sahihi kwa mujibu wa kanuni za soka.
Mjumbe
huyo alisema, fedha zilizopotezwa kwa kukata rufaa kwa Kamati ya Nidhamu na
Usuluhishi ya Shirikisho la Soka Tanzania
(TFF), ni kama zimepotezwa bure kwani
zingeweza kufanya kazi nyingine za maendeleo ya klabu.
Kwa Yanga
kupokwa ushindi wa Coastal union, wamebaki na pointi 43, hivyo kupoteza nafasi
ya kutwaa ubingwa wala nafasi ya pili kwani uwezo wake ni kuishia pointi 52 kama watashinda mechi zote tatu zilizobaki dhidi ya
Polisi Dodoma, JKT Oljoro na Simba.
Wakati
uwezo wa Yanga ni pointi hizo, mtani wake anayeongoza ligi hiyo kwa pointi 56,
ataweza kumaliza ligi akiwa na pointi 62, kama
atashinda dhidi ya Moro United na Yanga.
Hadi sasa,
Azam FC wapo nafasi nzuri ya kuitwaa nafasi ya pili kwa mara ya kwanza tangu
kuanzishwa kwake Juni 24, 2007, kwani wakiwa na pointi 50, watamaliza ligi
wakigota 59, kama watashinda dhidi ya Mtibwa
Sugar, Toto African na Kagera Sugar.
Mwenyekiti
wa Matawi ya klabu hiyo, jijini Dar es
Salaam
Akizungumza
kwa njia ya simu jana jioni, Msumi alisema kuna haja ya Nchunga kuchukua hatua
hiyo kwa mustakabali wa Yanga kwa sababu ameshindwa kuongoza kwani tangu
alipoingia madarakani, klabu hiyo imekuwa ikiyumba.
Alisema,
tatizo la Nchunga, ni kuendesha klabu hiyo bila kufuata katiba, akiweka kapuni
hata mikutano ya kikatiba, hivyo klabu kuendeshwa kama
shamba lisilo na mwenyewe, ikiwemo baadhi ya watendaji kuteuliwa kienyeji, bila
ridhaa ya wanachama.
Juhudi za
kumpata Nchunga kutolea ufafanuzi zaidi juu ya masuala yanayoelekezwa kwa
uongozi wake, zilikwama baada ya simu yake ya kiganjani kutokuwa hewani.
CHANZO:GAZETI LA SAYARI